Mire dil meN tou bus yehee aarzoo hai
Hamesha rahe teri KhushiyoN ka mausam
Kabhi talkhee.e gham nah tujh ko sataye
Barastee rahe tujh pe khushiyoN ki shubnam
laboN par hamesha tabassum ho tere
kisee gham se teri nah ho aaNkh purnam
jo hai shoKh muskaan honTon pe tere
yeh baRhtee rahe aur kabhee bhi nah ho kum
tujhe apne KhuwaboN ki manzil a’taa ho
nah aaye tire raaste meN koyee Kham
Taweel umr Khaliq a’taa kar de tujhko
Harik pal ho tera baharoN ka mausam
Yehee aarzoo hai dil-e “Saadi” meN
Jiye tou hazaaroN baras mere hamdam..
Wed Jun 10, 2009 8:55 pm