Mehwi
Would you like to react to this message? Create an account in a few clicks or log in to continue.

Mehwi

Entertainment
 
HomeLatest imagesSearchRegisterLog in

 

 Tumhari besabab doori mujhe aksar rulati hai !!

Go down 
AuthorMessage
Sajania

Sajania


Posts : 19
Points : 49
Reputation : 0
Join date : 2009-05-11
Age : 29
Location : In My Lost World......

Tumhari besabab doori mujhe aksar rulati hai !! Empty
PostSubject: Tumhari besabab doori mujhe aksar rulati hai !!   Tumhari besabab doori mujhe aksar rulati hai !! Icon_minitimeThu Jun 18, 2009 5:17 am

Tumhari besabab doori mujhe aksar rulati hai !!

***
Agar sehra se guzro to mere sahir se keh dena
tumhari besabab doori mujhe aksar rulati hai !!
Mery Sahir Se Keh Dena
Musafir Aaj Tak Chup Hay
k Uss k Haath Mein Tum Ne
Jo Apna Haath Rakha Tha
Vo Ab Tak Yaad Karta Hay

***

Mery Sahir Se Keh Dena
k Sadion Ki Musafat Ne
Mery Pairoon Se Baandhi Hay
Thakan Ab k Baras Itni
k Apni Doobti Nabzoo Se Main Khayef Sa Rehta Hoon
Na Janay Kab Kahan Pe Umer Ki Yeh Dor Kat Jaye
Main Apnay Aur Tumhary Beech k In Fasloon Ko
Chand Saanson Ki Kami Se Haar Na Jaon
Bisat e Jaan Par Phaili Doorion k Bojh Ko Le Kar
Yunhi Mar Jaon

***

Mery Sahir Se Keh Dena
k Uss k Ishq k Tilsam Se Ab Tak Vo Nahi Niklay
K Jin Ko Uss Ki Aankhon Ne Faqat Ik Baar Dekha Tha

Mery Sahir Se Keh Dena
k Saray shehar Ko Mery
Yunhi Patthar Na Rehnay De
Mery Tilsam Kadon Mein Laut Kar Aaye
k Vo Patthar Tarastay Hain
Tumhari Chashm Ki Jumbish Unhein Ik Bar Phir Kar De
Kisi Zee Rooh Ki Manind

***

Mery Sahir Se Keh Dena
Bichad Kar Tum Jo Miltay Thy
To Yun Mehsoos Hota Tha
k Jaisay Marg k Dhundley Kinaroon Tak Pahunchaty Hi
Adhoora Kaam Koi Zindagi Ko Yaad Aa Jaye
Kaho Phir Se Chala Aaye
k Uss k Laut Aany Se
Hamari Doobti Nabzoo Ko Phir Se Saans Aa Jaye
Agar Sehra Se Guzro To
Mery sahir Se Keh Dena

***

Agar Jungle Se Guzro To
Mery Jugnoo Se Keh Dena
Tumhari Be Sabab Doori
Mujhay Aksar Rulati Hay
Meri Shaamein Andheri Hain
Meri Raatein b Teera Hain
Mery Sab Taaq Khali Hain
Meri Aankhein Sawali Hain

***

Mery Jugnoo Se Keh Dena
Muhabbat Aaj Tak Chup Hay
k Iss k Haath Mein Uss Ne
Jo Dehka Daagh Rakha Tha
Vo Ab Tak Baat Karta Hay

***

Mery Jugnoo Se Keh Dena
Mery Jazboon Ne Rahoon Mein
Moharein Rok Rakhi Hain
Inhein Azn e Safar De Do
Inhein Dil Se Guzarnay Do

***

Mery Jugnoo Se Keh Dena
Meri Aankhon Ko Qum Keh Do
Yeh Umroon Se Yunhi BeJaan Hain
Khuwaboon k Madfan Mein
Inhein Phir Se Jila De Do

***

Mery Jugnoo Se Keh Dena
Ghamoon Ne Raag Chera Hay
Aziyat Raqs Karti Hay
Meri Tanhayi Ka Charcha
Daroon e Zaat Phaila Hay

***

Mery Jugnoo Se Keh Dena
Faqat Uss Ki Kami Ne
Zindagi Mein Sog Rakha Hay
Mery Jugnoo Se Keh Dena
Kiun Jungle Mein Bhatakta Hay
Kiun Khud Ko Rok Rakha Hay
Tumhari Be Sabab Doori Mujhay Aksar Rulati Hay
Agar Jungle Se Guzro To
Mery Jugnoo Se Keh Dena
Agar Sehra Se Guzro To
Mery Sahir Se Keh Dena
Mery sahir Se Keh Dena...!!!

***

Back to top Go down
 
Tumhari besabab doori mujhe aksar rulati hai !!
Back to top 
Page 1 of 1
 Similar topics
-
» mein nay iss taur se chaha tujhe aksar janaan...
» Muqaddar! mujhe aaj itna bataa dey...
» apni tareeki-e qismat se bhi mujhe inkaar nahin...

Permissions in this forum:You cannot reply to topics in this forum
Mehwi :: Beautiful Words :: Poetry (Punjabi,Urdu,Other languages)-
Jump to: