jiski tujhe talash woh manzil nahin hoon main
beshak tire safeene ka sahil nahin hoon main
Tou lakh bekhabar ho jo mujh se tou kya huuwa
Ik lamha teri zaat se Ghafil nahiN hoon main
phir aaj ho gaii hai saza bequsoor ko.
kahta hi rah gaya woh ke qatil nahin hoon main
Sub se nah dil ke zaKhm chupaaooN tou kya karoon
Elaan.e ranj.e.ishq ki qaaiil nahin hoon main
Zalim samjh saka nah miree khamshee ka raaz
Sabir hoon ahl-e zarf hoon buzdil nahin hoon main
Main khush keh meri zeest ka Hasil hai sirf too
Tou Khush keh teri zeest ka hasil nahiN hoon main
Meri dua meN kyuuN nahin Ma’bood ab aSar
Kay aaj tere rahm ke qaabil nahin hoon main
Tanqeed.e ahl.e ilm pe aaNsoo bahaoon maiN
Ai “Saadi” ab aisee bhee jahil nahin hoon main
Wed Jun 10, 2009 11:24 pm