jo dard chuupa rakhkha tha duniya ki nazar se
ab hone laga sub pe a’yaaN deeda-e tar se
deevaanoN ko kub mauj-e Gam-e dil ka koyee Khauf
toofaan chala aaye idhar se ya udhar se
Gair aaj bhi izzat se hameN dekh rahe haiN
apnoN ne giraya hai hameN apni nazar se
woh paaoN ke chaale hoN keh hon raah ke kanTe
sub haar ke baiThe haiN mere Azm.e safar se
ik tou hi nahiN raah raw-e raah-e gham-e ishq
“Guzre haiN tire baad bhi kuch log idhar se”
ai baad.e saba itna mire dost se kah de
aaNkhoN ko bichaaye hai koyee pichle pahar se
maiN apni hi mayyat pe khaRee soch rahee hooN
ai kaash nikalta yeh janaza tire ghar se
ai “Saadi” kis taraH guzare haiN shub.o.roz…
pooche koyee aaker miree deevaron se, dar se
Wed Jun 10, 2009 11:04 pm