Kisee ke dil meN tira e’tbaar baaqi hai
Chala bhi aa ke abhee intezaar baaqi hai
KhazaN se kah dou abhee gulsitaaN se door rahe
Abhee tou aamad.e jashn.e bahar baaqi hai
Jo ho sake tou kabhi lauT ker chale aana
Mira makaN hai salamat dayaar baaqi hai
Zamana beet gaya hai sharab-e deed piye
Yeh aur baat abhee tak Khumaar baaqi hai
Woh Khud ko auroN se kumtar samjhte rahte haiN
Bahut se logoN meN yeh inkesaar baaqi hai
MaiN nakhuda ke sahare rahooN arey touba
Abhee Khuda pe mira e’tbar baaqi hai
Isee saharey tou zinda hai Aarzoo ab tak
Keh uskey dil meN tamanna-e yaar baaqi hai
Wed Jun 10, 2009 10:56 pm