Kya batayen tumhen hum kaise guzar hoti hai
Mausam.e gul mN bhi kanToN pe basar hoti hai
Dar.o.deevar se roti hoon lapaT kar akSar
Is trah meree shub.e gham ki sahar hoti hai
Raat ke baad bhi aati hai mire ghar meN raat
Baad.e shub yuun tou zamane men sahar hoti hai
Kya bataaooN jo guzartee hai tire jane ke baad
Ik qayamat hai jo har pal mire ghar hoti hai
Shab.e gham hai mire ashkoN ke diye jalte haiN
Dekho kub unko mire gham ki khabar hoti hai
Dil ki halat ko samjhta nahiN duniya men koyee
Sub ki insaan ke chehre pe nazar hoti hai
“Saadi” kaash koyii “Radha’ ke dil se pooche
Kitnee dushwaar yeh panghaT kee Dagar hoti hai
Wed Jun 10, 2009 9:39 pm