Mehwi

Entertainment
 
HomeFAQSearchMemberlistUsergroupsRegisterLog in

Share | 
 

 Kiye haiN jispe dil.o.jaaN niSaar tou hi hai........

View previous topic View next topic Go down 
AuthorMessage
Saadi

avatar

Posts : 54
Points : 128
Reputation : 0
Join date : 2009-05-18

PostSubject: Kiye haiN jispe dil.o.jaaN niSaar tou hi hai........   Wed Jun 10, 2009 9:15 pm






Kiye haiN jispe dil.o.jaaN niSaar tou hi hai
Elaj.e dard.e dil.e beqaraar tou hi hai

Chaman ka rung guloN ka nikhar tou hi hai
Mire liye tou mujassam bahar tou hi hai

Chupa hai qatraa.e aaNsu meN tera wada.e ishq
Kiya tha jis pe kabhi e’tbaar tou hi hai

Woh chund Khuwaab jo din meN bhi maiN ne dekhe the
To aise KhuwaaboN ki t’abeer yaar tou hi hai

Tamam duniya ko choRa hai sirf tere liye
kiya hai jis se sada maiN ne pyaar tou hi hai

Yeh dil ke jis ne kisee ko kabhi pukara nahiN
Pukarta hai jise baar baar tou hi hai

BhaNwar meN gham ki maiN kashtee ko apni ley aayee
Mujhe khabar thee keh darya ke paar tou hi hai

Basa liya hai tujhe apne dil meN chupke se
Ke raaz.e ishq ka ik raazdaar tou hi hai

Mahak rahee hai faza “Saadi” ke sheroN se
aur is mahak meN basa mere yaar tou hi hai

Back to top Go down
View user profile
 
Kiye haiN jispe dil.o.jaaN niSaar tou hi hai........
View previous topic View next topic Back to top 
Page 1 of 1
 Similar topics
-
» Aishwarya Rai: New Movie
» Anna's Horse Sculptures-update- August 28th, 2017

Permissions in this forum:You cannot reply to topics in this forum
Mehwi :: Beautiful Words :: Shayari-
Jump to: