ankhien mund ke sapne dekhoon is se mujhe inkaar nahin
Khuwaab raheN bus khuaab hamesha is pe dil tayyar nahin
kya hai tumharee Halat-e dil sub meri nazar pehchan gayee
aaNkhoN se iqraar ayaN hai hoNtoN per iqraar nahin
dil meN chupaya tum ko main ne ruswaayee se dartee hooN
ishq ke churche gali gali hoN is pe dil tayyar nahiN
tum ne jo gham baKhsha mujh ko woh tou mira sarmaya hai
gham ka shikwa tum se karooN main ishq ka yeh me’yaar nahin
Krishn ki bansi bajne tou do Radha khud aa jayegee
ishq ke paaooN rok sake yeh jag aisee deevar nahin
saaree ki saaree hi duniya jhooT ka rasta apna le
shayad such ki raah pe chalna itna tou dushwaar nahin
sham’e umeed.e subH bhi ab tak “Saadi” dil meN raushan hai
apni tareeki-e qismat se bhi mujhe inkaar nahin